МИКА ХАКИНЕН [10.01.2002]

НЕ СУМ ПАРАНОИЧЕН
Иако оваа година ги обележа возачите според нивните успеси, Мика Хакинен ќе ја памети како една од најтешките во кариерата. Се што можеше да му се случи, му се случи! Болидот три пати не стартуваше, квачилото откажа на пет свиока пред крајот на трката во Шпанија оставајќи го да чека на својата 19 победа до Силверстоун. Сепак, двократниот првак остана смирен и концентриран. Додека неговите колеги беа барани од новинарите за интервју поради успесите, нему му се поставуваа прашања околу пензионирањето или продолжување на договорот. Следствено на тоа, беше многу тешко повторно да се дојде до него, но за време на унгарското гран при, ми се укажа една прилика за групно интервју заедно со уште двајца колеги, од Југославија (Вреле гуме) и Русија (Клуб ф-1).